જો તમે પણ પીએમ કિસાન યોજનાના લાભાર્થી છો, તો આ સમાચાર તમારા માટે ખૂબ કામના છે
જો તમે પણ પીએમ કિસાન યોજનાના લાભાર્થી છો, તો આ સમાચાર તમારા માટે ખૂબ કામના છે. પીએમ મોદી ટૂંક સમયમાં જ પીએમ કિસાન યોજનાનો 12મો હપ્તો (PM Kisan 12th Installment Released) જારી કરવા જઈ રહ્યા છે. પીએમ કિસાન યોજના કેન્દ્ર સરકાર દ્વારા ચલાવવામાં આવી રહેલી આ યોજના સરકારની સૌથી મહત્વકાંક્ષી યોજનાઓમાંની એક છે. આ યોજના અંગે પીએમ મોદીએ પોતે અનેક મંચો પરથી ખેડૂતોના હિતની વાત કરી છે.
હાલમાં જ પીએમ નરેન્દ્ર મોદીએ ખેડૂતો માટે ટ્વિટ કરીને જણાવ્યું હતું કે દેશને અમારા ખેડૂત ભાઈઓ અને બહેનો પર ગર્વ છે. તેઓ જેટલા મજબૂત હશે તેટલું જ નવું ભારત વધુ સમૃદ્ધ થશે. મને ખુશી છે કે પીએમ કિસાન સન્માન નિધિ અને કૃષિ સંબંધિત અન્ય યોજનાઓ દેશના કરોડો ખેડૂતોને નવી શક્તિ આપી રહી છે.
ક્યારે આવશે 12મા હપ્તાના રૂપિયા
પીએમ કિસાનનો આગામી હપ્તો આ મહિને મળી શકે છે. હકીકતમાં આ યોજના હેઠળ ખેડૂતોને વર્ષનો પ્રથમ હપ્તો 1 એપ્રિલથી 31 જુલાઈની વચ્ચે આપવામાં આવે છે, જ્યારે બીજો હપ્તો 1 ઓગસ્ટથી 30 નવેમ્બરની વચ્ચે આપવામાં આવે છે. જ્યારે ત્રીજા હપ્તાના રૂપિયા 1 ડિસેમ્બરથી 31 માર્ચની વચ્ચે ટ્રાન્સફર કરવામાં આવે છે. તે મુજબ પીએમ કિસાનનો 12મો હપ્તો આવતા મહિને ખેડૂતોના ખાતામાં આવી શકે છે.
અપડેટ કરી લો તમારી અરજી
- પીએમ કિસાન સન્માન નિધિ યોજના હેઠળ તમને કોઈ સમસ્યા આવી રહી હોય તો ફટાફટ તેને પતાવી લો
- તેના માટે તમે હેલ્પ લાઈન નંબર પર કોલ કરી અથવા મેલ આઈડી પર મેલ કરી સમાધાન કરાવી શકો છો
- પીએમ કિસાનની હેલ્પલાઈન નંબર 155261 અથવા 1800115526 (Toll Free) અથવા તો 011-23381092 પર સંપર્ક કરી શકાય છે
- ઈમેલ આઈડી (pmkisan-ict@gov.in) પર તમે તમારી ફરિયાદ મેલ પણ કરી શકો છો
- જો તમે અત્યાર સુદી અરજી નથી કરી તો સત્તાવાર વેબસાઈટ pmkisan.gov.in પર જઈ રજીસ્ટ્રેશન કરાવી લો
આવી રીતે ચેક કરો તમારા હપ્તાનો સ્ટેટસ
- હપ્તાનો સ્ટેટસ જોવા માટે તમે પીએમ કિસાનની વેબસાઈટ પર જાવ
- હવે ફાર્મર્સ કોર્નર (Farmers Corner) પર ક્લિક કરો
- હવે બેનેફિશિયરી સ્ટેટસ (Beneficiary Status) ઓપ્શન પર ક્લિક કરો
- હવે એક નવુ પેજ ઓપન થઈ જશે
- અહીં તમારે તમારો આધાર નંબર, મોબાઈલ નંબર નાખવાનો રહેશે
- તેના પછી તમને તમારા સ્ટેટસની સંપૂર્ણ જાણકારી મળી જશે
