ગુજરાત વિધાનસભા અને દિલ્હી MCD ચૂંટણી વચ્ચે કવિ કુમાર વિશ્વાસને જાનથી મારી નાખવાની ધમકી મળી છે. આ સાથે તેમને દિલ્હીના સીએમ અરવિંદ કેજરીવાલ પર ટિપ્પણી ન કરવા માટે પણ ચેતવણી આપવામાં આવી છે. કુમાર વિશ્વાસના મેનેજરે જણાવ્યું કે આ ધમકી ઈ-મેલ દ્વારા આપવામાં આવી રહી છે.
કુમાર વિશ્વાસના મેનેજર પ્રવીણ પાંડેએ કહ્યું છે કે કેટલાક દિવસોથી ઈ-મેલ દ્વારા સતત એક વ્યક્તિ તરફથી ધમકીઓ મળી રહી છે. જે વ્યક્તિએ ઈમેલ કર્યો છે તેણે ભગવાન રામની પ્રશંસા ન કરવાની ચેતવણી આપી છે અને તેમના વિશે ખૂબ જ અપમાનજનક વાતો કહી છે. આ સાથે, ધમકી આપનાર વ્યક્તિએ દિલ્હીના સીએમ અરવિંદ કેજરીવાલને કુમાર વિશ્વાસ કરતા વધુ સારા ગણાવતા તેમના પર ટિપ્પણી ન કરવાની ચેતવણી પણ આપી છે. પ્રવીણ પાંડેએ જણાવ્યું કે વ્યક્તિએ ઈમેલમાં લખ્યું છે કે, હું શહીદ ઉધમ સિંહની શપથ લેઉ છું કે હું તને મારી નાખીશ.
આ મામલામાં કુમાર વિશ્વાસના કાર્યાલયના ઈ-મેલની માહિતી પણ ગૃહ મંત્રાલય દ્વારા આપવામાં આવેલી સુરક્ષા એજન્સીને આપવામાં આવી છે. આ સાથે જ કવિ કુમાર વિશ્વાસની પ્રતિક્રિયા પણ સામે આવી છે. કુમાર વિશ્વાસે ટ્વીટ કર્યું છે કે, હવે તે અને તેમના ચિંટુઓને હું મારા રાઘવેન્દ્ર સરકાર રામનો મહિમા કરું તે ગમતું નથી. તેઓ કહી રહ્યા છે કે તેઓ મારી નાખશે, તે બધુ બરાબર છે પરંતુ તમારા ચિંટુઓને કહો કે મર્યાદા પુરૂષોત્તમ ભગવાન રામને ગાળો ન બકો. તમારું કામ કરો, નહીં તો યાદ રાખો, રાવણનો પણ વંશ નથી બચ્યો, ટુ એવો કોણ લવણાસુર છે? હાલમાં, કુમાર વિશ્વાસ તરફથી આ બાબતે ગાઝિયાબાદના ઈન્દિરાપુરમ પોલીસ સ્ટેશનમાં અજાણ્યા વ્યક્તિ વિરુદ્ધ FIR દાખલ કરવામાં આવી છે.
