સસ્પેન્સથી ભરેલી છે સંજય મિશ્રાની ફિલ્મ ‘વધ’, જાણો વાર્તા શું કહે છે

આ ફિલ્મ વધ થિયેટરમાં રિલીઝ થઈ ગઈ છે. મધ્ય પ્રદેશ ગ્વાલિયરમાં રહેતા ગરીબ માતા-પિતાની આ કહાની ટ્વિસ્ટ એન્ડ ટર્ન્સથી ભરેલી છે. અભિનય જગતના બે અદ્ભુત કલાકારો સાથે આ ફિલ્મ કેવી રીતે બની તે જોવા માટે વાંચો આ રિવ્યૂ

સંજય મિશ્રા અને નીના ગુપ્તાની ફિલ્મ ‘વધ’ સિનેમાઘરોમાં રિલીઝ થઈ ગઈ છે. જસપાલ સિંહ સંધુ અને રાજીવ બરનવાલ દ્વારા દિગ્દર્શિત બે પ્રતિભાશાળી કલાકારો સાથે બનેલી છે. આ એક સસ્પેન્સ થ્રિલર છે. મધ્ય પ્રદેશ ગ્વાલિયરમાં રહેતા ગરીબ માતા-પિતાની આ કહાની ટ્વિસ્ટ એન્ડ ટર્ન્સથી ભરેલી છે. તો ચાલો જોઈએ આ ફિલ્મનો રિવ્યુ.

જાણો શું છે વાર્તા

આ એક સામાન્ય મધ્યમવર્ગીય પરિવારની વાર્તા છે. સંજય મિશ્રા આ ફિલ્મમાં બતાવવામાં આવેલા પરિવારના વડા છે, જે એક અત્યંત દૂબળા-પાતળા લાચાર વૃદ્ધ વ્યક્તિનું પાત્ર ભજવે છે, જે પોતાના હાથથી કોઈ હત્યા ન થઈ જાય તેનાથી એટલી હદે ડરતો હોય છે કે તે ઉંદર પકડે છે અને તેને છોડી દે છે, તેને મારતો નથી. આ વૃદ્ધ દંપતી નીના ગુપ્તા અને સંજય મિશ્રાએ એક વ્યક્તિની હત્યા કેમ કરવી પડી? આ ફિલ્મની ટેગલાઈન છે ‘હમને હત્યા નહીં વધ કિયા હૈ.’

આ ફિલ્મમાં સંજય મિશ્રા નિવૃત્ત શિક્ષક શંભુનાથ મિશ્રાની ભૂમિકા ભજવી રહ્યા છે. જે તેની પત્ની મંજુ મિશ્રા (નીના ગુપ્તા દ્વારા ભજવાયેલ) સાથે ગ્વાલિયરમાં રહે છે. શંભુનાથ મિશ્રા અને મંજુ મિશ્રાને એક પુત્ર છે. જેના અભ્યાસ માટે તે પ્રજાપતિ પાંડે નામની વ્યક્તિ પાસેથી લોન લે છે. આ વ્યક્તિ ખૂબ જ ખરાબ સ્વભાવનો છે. જે આ કપલને ખૂબ જ પરેશાન કરે છે. જે પુત્રના ભણતર માટે આ દંપતીએ લોન લીધી હતી, તે પોતાના પગ પર ઉભા થયા બાદ પુત્ર પોતે જ તેમની જવાબદારી લેવાનો કે તેમની લોન ચૂકવવાની ના પાડી દે છે. તેથી જ આ યુગલ પાસે પ્રજાપતિ પાંડે દ્વારા વારંવાર અપમાનિત થવા સિવાય કોઈ વિકલ્પ નથી.

પ્રજાપતિ પાંડેની હરકતોથી કંટાળીને આ વૃદ્ધ દંપતીએ આવું પગલું ભરવાની ફરજ પડી છે, જે તમને શ્રદ્ધા વોકર હત્યા કેસની યાદ અપાવશે. શ્રદ્ધા વોકર મર્ડર કેસની યાદ અપાવતી આ ફિલ્મમાં પોલીસ માટે મોટો પડકાર છે. શું તે ક્યારેય હત્યારાને શોધી શકશે? શું આ ફિલ્મમાં કોઈને જેલ થાય છે? હવે જોવાનું એ રહેશે કે કોની હત્યા થાય છે અને કોને સજા થાય છે.

કલાકારોની ભૂમિકા

અભિનયની દૃષ્ટિએ આ ફિલ્મ કેવી છે, સંજય મિશ્રા અને નીના ગુપ્તા બંનેએ તેમાં ઉત્તમ અભિનય આપ્યો છે. જ્યાં સંજય મિશ્રા એક લાચાર, નિરાશ અને હતાશ વ્યક્તિ તરીકે પોતાની છાપ છોડી જાય છે, ત્યાં તે પોતાના પતિની હત્યા બાદ પણ મજબૂત રહે છે. નીના ગુપ્તા મહિલાની ભૂમિકામાં બેજોડ રહી છે. આ ફિલ્મમાં સૌરભ સચદેવા એક વૃદ્ધ દંપતીના પુત્રની ભૂમિકામાં છે. માનવ વિજે પોલીસની ભૂમિકામાં પણ શાનદાર કામ કર્યું છે. આ ફિલ્મમાં અન્ય કલાકારોનો અભિનય પણ પ્રશંસનીય છે.

આ ફિલ્મ શા માટે જુઓ

મર્ડર થ્રિલર ફિલ્મ પસંદ કરનારાઓ માટે આ એક શાનદાર ફિલ્મ છે. આ ફિલ્મની વાર્તા, કલાકારો બધા જ શાનદાર છે. તેથી જ તમને આ ફિલ્મ ઘણી પસંદ આવી શકે છે.

ફિલ્મ કેમ ન જોવી

જો તમે સસ્પેન્સ થ્રિલર મર્ડર ફિલ્મમાં કોઈ ઘટનાનો અંદાજ લગાવો અને તે અનુમાન સાચું નીકળે તો ફિલ્મનો રોમાંચ સમાપ્ત થઈ જાય છે. આવું જ કંઈક આ ફિલ્મમાં વારંવાર થાય છે. તેથી જ આ ફિલ્મ કેટલીક જગ્યાએ બોરિંગ થવા લાગે છે