પાકિસ્તાન અને ઈંગ્લેન્ડ વચ્ચે કરાચીમાં ટેસ્ટ શ્રેણીની ત્રીજી મેચ રમાઈ રહી છે. મેચના ત્રીજા દીવસે જ પાકિસ્તાનની હાલત કફોડી થઈ ચુકી છે. ઈંગ્લેન્ડ સામે હવે ઘર આંગણે જ 3-0 થી શ્રેણી ભૂંડી હાર સાથે થવાની ઘડીઓ ગણાઈ રહી છે. કારણ કે ચોથા દિવસની રમતની શરુઆતે જ ઈંગ્લેન્ડ પાકિસ્તાનને હારનો સ્વાદ ચખાડી દેશે. પરંતુ પાકિસ્તાનની હાલત ખરાબ કરવામાં કોઈની મહત્વની ભૂમિકા હોય તો એ 18 વર્ષના બોલર રેહાન અહેમદની છે, તેણે બીજી ઈનીંગમાં 5 વિકેટ ઝડપીને પાકિસ્તાનને મુશ્કેલ સ્થિતીમાં મુકી દીધુ હતુ.
