સાઉથથી લઈને બોલિવૂડ સિનેમા સુધી પોતાના અભિનયથી દર્શકોનું દિલ જીતનાર રકુલ પ્રીત સિંહ ખૂબ જ મહેનતુ અભિનેત્રી છે. તેણે ઘણી વખત પોતાની જાતને સાબિત પણ કરી છે. તે ફિલ્મમાં તેના પાત્ર માટે સખત મહેનત કરે છે, જેની એક નાની ઝલક તેણે તેના નવા ફોટો સાથે શેર કરી છે. રકુલે તેની આગામી ફિલ્મ માટે 11 કલાક પાણીની અંદર શૂટ કર્યું હતુ, ત્યારબાદ તેની તબિયત બગડી હતી. જોકે, તે આ શોટને લઈને ખૂબ જ ઉત્સાહિત પણ છે.રકુલ પ્રીત સિંહના દુનિયાભરમાં કરોડો ફેન્સ છે. આ સુંદર અભિનેત્રીએ ઘણી ફિલ્મો દ્વારા દર્શકોનું મનોરંજન કર્યું છે.
રકુલ પ્રીતે પોતાના કરિયરનું સૌથી મુશ્કેલ શૂટ કર્યું
રકુલ પ્રીતે તેની ઇન્સ્ટાગ્રામ સ્ટોરીમાં આ શૂટ પછી પોતાનો એક ફોટો શેર કર્યો છે, જેમાં તે ટુવાલમાં લપેટાયેલી જોવા મળી રહી છે. આ સાથે આ ફોટોમાં તેને કોઈ દવા આપતું પણ જોવા મળી રહ્યું છે. આ ફોટો શેર કરવાની સાથે અભિનેત્રીએ લખ્યું, ‘આજે 11 કલાક પાણીમાં શૂટ કર્યું!! સૌથી મુશ્કેલ શૂટ. રકુલનો આ ફોટો જોયા બાદ તેના ચાહકો તેના કામ અને જુસ્સાના વખાણ કરી રહ્યા છે.
રકુલ પ્રીત સિંહ છેલ્લે અજય દેવગન અને સિદ્ધાર્થ મલ્હોત્રા સાથે ફિલ્મ ‘થેંક ગોડ’માં જોવા મળી હતી. જો કે આ ફિલ્મ તેની બોક્સ ઓફિસ પર કંઈ ખાસ સફળ રહી ન હતી, પરંતુ અભિનેત્રી પાસે આવનારી ફિલ્મોની લાંબી યાદી છે.
અપકમિંગ ફિલ્મોની યાદી
રકુલ પ્રીત સિંહની આગામી ફિલ્મો વિશે વાત કરીએ તો તે ટૂંક સમયમાં જ RSVPની આગામી ફિલ્મ ‘છત્રીવાલી’માં જોવા મળશે. આ ફિલ્મ OTT પ્લેટફોર્મ ZEE5 પર રિલીઝ થશે. આ સિવાય ‘મેડે’ અને ‘મિશન સિન્ડ્રેલા’ પણ તેની આગામી ફિલ્મો છે. તેની સાઉથની ઘણી ફિલ્મો પણ રિલીઝ માટે તૈયાર છે.રકુલ પ્રીત સિંહે 10 વર્ષની ઉંમરે મોડલિંગ શરૂ કર્યું હતું. તેણે કન્નડ ફિલ્મથી ડેબ્યુ કર્યું હતું. તેણે આ ફિલ્મ માત્ર પોકેટ મની માટે કરી હતી.રકુલ પ્રીત સિંહ છેલ્લા કેટલાક સમયથી પ્રખ્યાત નિર્માતા જેકી ભગનાનીને ડેટ કરી રહી છે. બંનેના ફેન્સને આ જોડી ખૂબ જ પસંદ આવી રહી છે.
