અમીર અબજોપતિ ગૌતમ અદાણી 121 બિલિયન ડોલરની સંપત્તિ સાથે વિશ્વના ત્રીજા નંબરના સૌથી અમીર વ્યક્તિ છે. અને થોડા અઠવાડિયામાં વિશ્વના બીજા સૌથી ધનિક ઉદ્યોગપતિ એલોન મસ્કને પાછળ છોડીને બીજા સ્થાને આવી શકે છે. હકીકતમાં, ગૌતમ અદાણી વર્ષ 2023માં કેટલી ઝડપે વૃદ્ધિ કરશે અને એલોન મસ્કની વૃદ્ધિમાં ઘટાડો તેના પર નિર્ભર રહેશે.
ઉલ્લેખનીય છે કે ટેસ્લાના CEO એલોન મસ્ક ગયા વર્ષ ખુબ ચર્ચામાં રહ્યા, ખાસ કરીને ટ્વિટરની ડિલને લઇ. એલોન મસ્કની સંપત્તિની વાત કરીએતો નવેમ્બર 2021માં $340 બિલિયનથી વધીને હવે $137 બિલિયનની થઈ ગઈ છે. જ્યારે એશિયાના સૌથી ડીલમેકર કહેવાતા ગૌતમ અદાણી બ્લૂમબર્ગ બિલિયોનેર્સ ઈન્ડેક્સમાં ટોપ 10માં એકમાત્ર એવા અબજોપતિ છે, જેમની નેટવર્થમાં વર્ષ 2022માં વધારો જોવા મળ્યો છે. તેમની વર્તમાન નેટવર્થ $121 બિલિયન છે.
ગૌતમ અદાણી આગળ નીકળતા કેટલો સમય લાગશે
છેલ્લા એક વર્ષમાં ગૌતમ અદાણીની સંપત્તિમાં $44 બિલિયનનો વધારો થયો છે, જ્યારે મસ્કની સંપત્તિમાં $133 બિલિયનનો ઘટાડો થયો છે. જો એલોન મસ્કની નેટવર્થમાં સતત ઘટાડો થતો રહેશે, અને છેલ્લા 12 મહિનામાં ગૌતમ અદાણીની નેટવર્થ એ જ દરે વધે છે, તો ભારતીય બિઝનેસ ટાયકૂન પાંચ અઠવાડિયા અથવા 35 દિવસમાં ટ્વિટર બોસને પછાડીને વિશ્વના બીજા સૌથી ધનિક ઉદ્યોગપતિ બને તેવી શક્યતા છે. ગણતરી મુજબ, જ્યારે મસ્કને દરરોજ સરેરાશ 0.36 અબજ ડોલર એટલે કે રૂ. 29,78,84,88,000નું નુકસાન થયું હતું, ત્યારે અદાણીએ દરરોજ તેની નેટવર્થમાં 0.12 અબજ ડોલર એટલે કે રૂ. 9,92,88,24,000 ઉમેર્યા હતા.
અદાણી ગ્રુપના શેર રોકેટ ગતિએ આગળ વધી રહ્યા છે
ગૌતમ અદાણીની નેટવર્થમાં વધારાનું મુખ્ય કારણ અદાણી ગ્રૂપ કંપનીના શેરમાં થયેલો જબરદસ્ત વધારો છે. જૂથની મુખ્ય કંપની અદાણી એન્ટરપ્રાઇઝે 2022માં તેના રોકાણકારોની સંપત્તિમાં 116 ટકા વળતર આપ્યું છે. દરમિયાન, અદાણી પાવરનો સ્ટોક 185 ટકા, અદાણી વિલ્મરનો 105 ટકા અને અદાણી ટોટલ ગેસ 91 ટકા વધ્યો હતો. અદાણી ગ્રૂપનું માર્કેટ કેપ માત્ર ત્રણ વર્ષમાં નવ ગણું વધીને 23 ડિસેમ્બરે રૂ. 17.9 લાખ કરોડને વટાવી ગયું, જે ટાટા ગ્રૂપ પછી ભારતનું બીજું સૌથી મૂલ્યવાન સમૂહ બન્યું પરંતુ મુકેશ અંબાણીની રિલાયન્સ ઇન્ડસ્ટ્રીઝ કરતાં પણ આગળ છે. અદાણી ગ્રૂપ અને તેની પેટાકંપનીઓની ઝડપી વૃદ્ધિએ અદાણીને વિશ્વના ત્રીજા સૌથી ધનિક વ્યક્તિ તરીકે પ્રતિષ્ઠા પામ્યા છે.
આ રીતે એલોન મસ્કની નેટવર્થમાં ઘટાડો થયો
વર્ષ 2021માં એલોન મસ્કની કુલ સંપત્તિ $300 બિલિયનને વટાવી ગઈ હતી. 4 નવેમ્બર, 2021 ના રોજ, એલોન મસ્કની કુલ સંપત્તિ $ 340 બિલિયન પર પહોંચી ગઈ હતી. હકીકતમાં, તે દરમિયાન ટેસ્લાના શેરમાં જબરદસ્ત વધારો થયો હતો. ઑક્ટોબર 2021માં, ટેસ્લા કંપનીનું મૂલ્યાંકન એક ટ્રિલિયન ડૉલરને વટાવી ગયું હતું અને કંપની Apple Inc, Microsoft Corp, Amazon.com Inc, અને Google પેરન્ટ આલ્ફાબેટ ઇન્કની લીગમાં ઊભી હતી. વર્ષ 2022માં ટેસ્લાના શેરમાં મોટો કરેક્શન જોવા મળ્યો છે. ટેસ્લાના શેરમાં વર્ષના અંત સુધીમાં લગભગ 70 ટકાનો ઘટાડો જોવા મળ્યો છે. મસ્કની નેટવર્થમાં ઘટાડો થતાં બર્નાર્ડ આર્નોલ્ટ વિશ્વના સૌથી ધનિક અબજોપતિ બની ગયા છે. તેમની કુલ નેટવર્થ $162 બિલિયન છે
