તમે તમારા સ્માર્ટફોનને સૂર્યપ્રકાશથી ચાર્જ કરી શકો છો. આ માટે તમારે માત્ર એક ગેજેટની જરૂર પડશે. આ ડિવાઇઝની મદદથી, તમે ફક્ત તમારા ફોનને જ નહીં પરંતુ અન્ય ડિવાઇઝને પણ ચાર્જ કરી શકો છો.
વરસાદની ઋતુમાં પાવર આઉટ થવો સામાન્ય બાબત છે. ઘણા વિસ્તારોમાં વરસાદના કારણે લોકોને ઘણા દિવસો સુધી વીજળી મળતી નથી. આવી સ્થિતિમાં સ્માર્ટફોનને ચાર્જ રાખવો મુશ્કેલ બની જાય છે. જો તમારા ઘરમાં ઇન્વર્ટર છે, તો તમને ચોક્કસ સમયગાળા માટે વીજળી મળશે. પરંતુ આ ઓપ્શન બધા યુઝર્સ માટે ન હોઈ શકે. કારણ કે બધા ને ઇન્વર્ટર પરવળે તેવુ ના હોય.. જો તમે ફક્ત સ્માર્ટફોનને ચાર્જ કરવા માંગો છો, તો સૌથી સરળ રસ્તો સૂર્યપ્રકાશ છે. ખરેખર, બજારમાં આવા ઘણા ડિવાઇઝ છે જેની મદદથી તમે તમારા ફોનને સૂર્યપ્રકાશથી ચાર્જ કરી શકો છો. આનો સૌથી સહેલો રસ્તો સોલર પાવર બેંક છે.
કઈ પ્રોડક્ટ છે?
પાવર બેંક શબ્દથી લગભગ દરેક જણ પરિચિત હશે. આ ડિવાઇસનો ઉપયોગ સ્માર્ટફોનને ચાર્જ કરવા માટે થાય છે. આવી જ કેટલીક પાવર બેંક બજારમાં મળે છે, જેને તમે સોલાર પાવરથી ચાર્જ કરી શકો છો. તમે કોઈપણ ઈ-કોમર્સ પ્લેટફોર્મ પરથી આવી પ્રોડક્ટ્સ ખરીદી શકો છો.
તમે કેટલામાં ખરીદી શકો છો?
તમને ઘણા ઓપ્શન પણ ઇ કોમર્સ સાઇટ પર મળશે. પરંતુ અમારી સલાહ વધુ સારી પ્રોડક્ટ ખરીદવાની રહેશે. Feelleની 24000mAh સોલર પાવર બેંક 5,499 રૂપિયાની કિંમતે મળે છે. આ પાવર બેંકમાં તમને 2 યુએસબી પોર્ટ મળશે.
કંપનીના જણાવ્યા અનુસાર આ ડિવાઈસ વોટરપ્રૂફ છે અને તેની મદદથી તમે સ્માર્ટફોન, ટેબલેટ અને અન્ય પ્રોડક્ટ્સ પણ ચાર્જ કરી શકો છો. તમે 20000mAh બેટરી સેપેસિટી સાથેની પાવરબેંક તમે 6,188 રૂપિયામાં ખરીદી શકશો.
ધ્યાન રાખો કે તમે જ્યારે ઓનલાઇન ખરીદી કરતા હોવ ત્યારે તે પાવરબેંક જ હોય, કારણ કે ઓનલાઈન પ્લેટફોર્મ પર આ પ્રોડક્ટ કેટેગરીમાં તમને સોલર એલઈડી ટોર્ચ પણ મળશે. તમે પાવર બેંકને તડકામાં ચાર્જ કરી શકો છો અને તેની મદદથી તમે તમારા ફોનને સરળતાથી ચાર્જ કરી શકો છો. 20 હજાર એમએએચની કેપેસિટીમાં ફોનને સામાન્ય બેટરીથી ઓછામાં ઓછા 4 વખત ચાર્જ કરી શકાય છે.
